Justjoo

Dasht ki dastaq huyi hai phir bahaar mein
Kuch naqsh-e-paa hain phir mere hi intezaar mein

Zarra zarra wajud chhina jata hai kyonkar,
Kuch bhi raha na jaise mere ikhtiyaar mein

Barson tadap rahi thi ek aahat koyi jaise
Sadiyon kati hai raat isi izteraar mein

Lamba hai yeh kissa-e-justjoo-e-kehkashaan
Ek toot'ta taara samajh lo ikhtesaar mein

Woh surkh rang gul khilega to ek din
Guzarta gaya 'Khayaal' isi aitbaar mein...

-"Salman -Khayaal"