Tamashayee

Zindagi mein kuch aise sakht muqaam aaye hain
Kam hi hua hai ke jab apne hi kaam aaye hain.

Shauq-e-tamaasha is had ko badh gaya dekho,
Phoonk kar apne hi deewaar-o-dar-o-baam aaye hain.

Aur to aur tamaashbeeni ka kissa suniye
Kal talak koyi na tha ab log tamaam aaye hain.

Fareb-rukh pe jo they hamdardi ka ghoonghat daale,
Dekho wo be-naqaab sare-aam aaye hain...

-'KHAYAAL'