Hai sheher purana par badle
Andaaz se ab dar lagta hai
Anjaam to hai matloob magar
Aaghaaz se ab dar lagta hai
Yeh oonchi oonchi meenarein,
Oonche hone ka paagalpan
Udne ki khwaahish hai lekin
Parvaaz se ab dar lagta hai
Yeh qadam qadam pe chauraste
Manzil ko bhulaate chalte hain
Mujhko in Galiyon ke badle
Sheeraz se ab dar lagta hai
Sheeri bhi zubaan ki talkh huyi
Kaanon ko dehshat hoti hai
Belaag barasne waale un
Alfaaz se ab dar lagta hai...
-'Khayaal'
No comments:
Post a Comment