Aaftaab-e-khayaal-e-yaar

Teri Aatish se mera jism pighal jaata hai
Aur too bekhabar har shaam ko dhal jaata hai

Phir mera haal hai kya dekhne ko chupke se
Banke Mehtaab too karke hijaab aata hai

Jis se hai ishq mujhe too uska aaina hai
Tujhe dekhoon to woh bada bebaaq nazar aata hai

Too mere Khayaal-e-yaar ka sooraj hai ajeez
'Khayaal' mein hi sahi par uski khabar laata hai

Na Jaano tum

Tum na hamraaz ho mere aur hamsafar bhi nahi
Par bina tere mere lafzon mein kuch asar bhi nahi

Main yeh bata na sakoon tumko ke ho kaun mere
Aur tumko meri haalat ki kuch khabar bhi nahi

Mera dil roz tadapta hai mere seene me
Hai kahin aur muqaam isko ke mayassar bhi nahi

Main hoon jo paas tere to bhi ashq zaari hain
Main jaaoon chhor tujhe itna mera jigar bhi nahi

Hai ajabnaak kahaani yeh karoon kaise bayaan
Hai to chhoti si magar itni mukhtsar bhi nahi

Chal padaa hoon main Ilaahi ek aisi raah pe ab
Saans bhi loon to kahan ispe koyi shazar bhi nahi...
-'khayaal'

Kya paaya

Woh jisne tijaarat ko hi imaan bana rakkha tha
Aur harf-e-Quraani ko taakhon me saja rakkha tha

Rang-o-boo ke taraddud wo bade karta tha
Aisee cheezon ko apni shaan bana rakkha tha

Mil gaya khaaq mein woh bhi dekho
Aasmaano mein jisne maqaan bana rakkha tha
-'Khayaal'

'Majaz' ke naam

Woh nahi hai to bhi har sher hai 'Khayaal' uska
Ki jab wo tha to har taraf tha jamaal uska

Wo bebaak kiye jata tha awargi ke kisse bayaan
Ho chala tha daur-e-adab me zikr aam uska

Uske har lafz ne ek nayi kahaani likhi
Rah gaya laajawaab ab talaq sawaal uska

Yon to pehle bhi 'Asraar' use kehte the
Phir naya rang isme mil gaya taqallus ka

Usne bahr-e-sana me khilwaton ki rau daali
Majaaz tha woh aur tha 'Majaaz' hi naam uska...

Maayoosi

Apne haalaat ki saaqi ko khabar hone tak
Main chhalakta hoon kyon har raat sahar hone tak

Waqfa-e-dhadkano me bhi kyon dil dhadakta hai
Ashq behte hain kyon khoon se tar hone tak

Main jo gumsum hoon koyi baat zaroori to nahi
Waqt lagta hai magar khatm-e-asar hone tak

Baad muddat ke mujhe ab ye 'khayaal' aaya hai
Chaand bhi rehta hai maayoos badar hone tak

Raah kaisi

Tum na hamraaz ho mere aur hamsafar bhi nahi
Par bina tere mere lafzon mein kuch asar bhi nahi

Main yeh bata na sakoon tumko ke ho kaun mere
Aur tumko meri haalat ki kuch khabar bhi nahi

Mera dil roz tadapta hai mere seene me
Hai kahin aur muqaam isko ke mayassar bhi nahi

Main hoon jo paas tere to bhi ashq zaari hain
Main jaaoon chhor tujhe itna mera jigar bhi nahi

Hai ajabnaak kahaani yeh karoon kaise bayaan
Hai to chhoti si magar itni mukhtsar bhi nahi

Chal padaa hoon main Ilaahi ek aisi raah pe ab
Saans bhi loon to kahan ispe koyi shazar bhi nahi...
-'khayaal'

Haqeekat

Toone kaha jo bhi mere dil me darj raha
Maine jo keh diya aankho se toone suna bhi nahi

To agar door hai aankho se to kuch sukoon to hai,
tera is dil me base rehna itna bura bhi nahi

Yehi naseeb hai mera main tumse door rahoon
Too jab qareeb tha to main yeh samajh saka hi nahi

Ab khayaal rehta hai bas tera to koyi uljhan nahi hai
Mere qareeb hona kyonki teri razaa hi nahi

Main aansuon me khush hoon mujhe khush rehne do
Tumhaare saamne to khul ke main hansaa bhi nahi.....

Waaqiye

woh jo kehte hain ajab waaqiye nahi hote
aur hote hain jo woh saamne nahi hote

apni har nafs naye daur se guzarti hai
hain unhe yeh gila kuch khaas tajurbe nahi hote

hai jo imaan pe har waqt shaan se qaayam
paas us dil ke kabhi waswase nahi hote

hai ke taqdeer badi cheez itna jaan le too
warna tere mere yeh silsile nahi hote...
-'Khayaal'

Saraab-e-haqeekat Part 2

Hai khoon barasta har subah aaftaab se
Hai teeragi si phailee bhare maahtaab se

Har ek saans jo chalti hai to dam nikalta hai
Kaise mumkin hai paar paana aise azaab se

Yeh hai wahi duniya ke aur duniya hai
Aansu agar nikle hain to baatil hubaab se

Sab wo maqtal hain ab jo kabhi gulshan the
Kaise nikle hain raaz-e-ilhaam dekho saraab se

Ab sard hawaaon me bhi thithuran nahi baaqi
Aati nahi hai khushboo kisi bhi gulaab se

Hai haqeeqat yeh ya 'khayaal' mera hai
Dariyaa bhare lahoo se hain aur nasein aab se...

Shikaayat

Unko hai shikaayat kyon na kuch kehta hoon main
Abhi hai zarf kuch baaqi to chup rehta hoon main.

Woh keh rahe hain dost jo khud ko mera ajeez
Koyi unse jaake pooch le kahaan rehta hoon main

Mujhko hi khud saraab khuda ne bana diyaa,
Kab se yunhi pyaasa dariyaaon mein behta hoon main

Tum jo samajh rahe ho mujhe woh nahi hoon main
Phir kya wajood hai mera, is soch mein rehta hoon main

Tere qareeb hoon main aur hoon tumse door bhi
Hai agar yeh zindagi to haan- zinda rehta hoon main...
-'khayaal'

Saraab-e-haqeekat

Raah-e-guzar-e-zindagi kuch log yun miley
Phir chale raaste vaakiye silsiley

Kuch talkh tabassum aur kuch teshaan-e-sheereen
Kuch raaz bhi mile o kuch hamraaz bhi mile

Kisko hai kya khabar ke hai parbat ke paar kya
Gulshan mile ke faqt saraab-e-yakeen miley

Kuch dhoondhte hi reh gaye apne azeez ko
Kuch pehle ke musaafir darmiyaan makeen miley

Rakkho ye bas 'Khayaal' ke ummeed totey na
Wo hai ke chaar-su jahaan dekho wahin miley.

Bechainee

Uski aankhon me bhi hai izteraar aaj ki raat
Dekhne wali hai yeh ravish-e-yaar aaj ki raat

Thaa surkh rang mera fard-e-gham-e-pinhaan
Nikla lahoo ashko se to aaya qaraar aaj ki raat
 

Ab talaq goya main jiya koocha-e-qaatil
Marna naseeb tha jo koo-e-yaar aaj ki raat

Sholey aseer hain abhi kuch gard-e-aatishaan
Dekhoge isi raakh me phir se sharaar aaj ki raat.
-'khayaal'

Khwaahish...

Tumko dekhe zamana hua hai
Jaane ab kaisi lagti ho
Ab bhi singaar sajaati ho
Haatho me mehndi rachti ho?

Us gulmohar ke ped tale
Jab ham alsaate rehte the
Kuch baatein khatti meethi si
Aankhon me karte rehte they
Woh din bhi saare hawa huye
Ham door huye phir juda huye
Yeh ab bhi socha karta hoon
Main gulmohar ki chhaao tale
Kya ab bhi sir dhak kar chalti ho??

Main jo mar jaaoon to itna karna
Woh dupatta mujhe udhaa dena....

Ahwaal...

Mere dayaar me koyi jo pur-asbaab aata hai,
Bas haafiz hai WO hi, dil se yehi jawaab aata hai.

Na uthaya jaata hai nivala na khaya jaata hai
Banke mohsin jab shauk-e-khana kharaab aata hai.

Is haal-e-chaman pe kaleja kaamp jata hai
Bada ghamgeen hota hai aksar jo ek khwaab aata hai.

Saayebaano ke saaye hi me jab azaab aata hai
Rooh hoti hai jab bismil to inqelaab aata hai...