Ehteraam-e-deen

Jis dil se bhi imaan ki aadat chali gayi
Kaafir huye wo jinse ibaadat chali gayi

Bas yun samajhiye dil se jo khauf-e-khuda gaya
Saath uske sab gunjaish-e-rehmat chali gayi

Jis haath ne apne Khuda ka kabhi zikr na kiya
Us dast-e-sinaayi se sab san-at chali gayi

Dariye ke na aaye kabhi aisa koyi manzar
Saadiq kahein ke hamse sadaaqat chali gayi

Darvesh na bano na sahi kuch to karo 'khayaal'
Duniya na kahe ke Deen ki muhabbat chali gayi...