Ae Lakhnau, mere pyaare shaher
Agar tumhe alvida kahoon
To achambha na hoga
Khudparasti ki is duniya mein
Tum hamse door ho rahe ho,
Concrete ke ugte jungle me
Tum kahin kho rahe ho.
Woh haseen shaamein woh gulzaar ratein
Ab ek sapna hain bas
Aur tum bekal bebas
Hamse door hone ka gham
Apne kandho pe dho rahe ho.
Alvida Lakhnau, mere pyaare shaher
Tum hamse door ho rahe ho.
No comments:
Post a Comment