Socho Socho....

Aate Jaate
Hanste gaate
jo hona tha
waisa na ho
to phir kya ho
socho socho
apne baalon
ko tum nocho
padhne wale
kuch likh daalo
Geet ansune
tum bhi gaa lo
phir na jaane
waqt kab mile
door puraane
kar lo sab gile
Rang suhaane
kuch bhar daalo
is jeevan mein
hans lo gaa lo
kya jaane kya
kal kaisa ho
kadke hon yaa
kuch paisa ho
jaisa chaahei
sab waisa ho
yaa phir na ho
to phir kya ho
socho socho
dimag ki partein
zaraa kharoncho
aur phir keh do
jo man me ho
baarish keval
saawan mein ho
nahi zaroori
kya majboori
hai mausam ki
jalti boondein
dhoop hai geeli
os mili to
thodi pee li
isi sahaare
ye din guzaare
raatein kaati
mili jo khushiyaan
mill ke baati
tum bhi baanto
sab sukh apne
phir jo sapne
tumne dekhe
unse saari
bagiya mehke
aisa hoga
gar tum sun lo
baat ye meri
jo tum jaano
kahaa hamara
jo tum maano
to phir sab kuch
jaisa socha
sab waisa ho
ya phir na ho
to phir kya ho
socho socho....