Ek koshish- a tribute to all of them beyond words, masters of words...
Toone badi ADA se hai BADR ko FARAZ diya
Mere khuda ne HASRAT-e-NIDA ko imtiyaaz diya.
FAIZ karke sabhi aan MEER-o-GHALIB-e-IQBAL,
QATEEL-e-INSHA ko bhi toone phir pur-alfaaz kiya
DAAG-e-DIL liye huye MAZROOH ki bhatkan thaami,
Fir ZAFAR deke LIYAQAT se use nawaaz diya
De diye chaak-JIGAR MOHSINo ko JOSH-o-KHUMAAR,
ZAUQ-e-Qalam ko phir ek WASEEM agaaz diya.
Ab talaq GULZAAR-e-SAAHIR-o-lafzaan mein kayi aye gaye,
Par haqiqat se ulajhta kyon na phir MAJAAZ diya...
No comments:
Post a Comment